NJOFTIMI ZYRTAR
Griezmann largohet nga Atletico
15 May, 2019 @0:08
Edhe zyrtarisht sulmuesi francez i Atletico Madridit, Antoine Griezmann, ka bërë të ditur se do të largohet në fund të këtij sezoni nga ekipi i tij i deritashëm.
Fituesi i Kupës së Botës me Francën në vitin e kaluar ka nënshkruar kontratë 5 vjeçare me ekipin e Atleticos vitin e kaluar, por sot edhe zyrtarisht u bë e ditur se ai do të largohet pas ndeshjes me Levanten, që do të jetë e fundit për të me fanellën e rojiblancove.
Barcelona, në anën tjetër, pritet të jetë destinacioni i radhës për Griezmannin 28 vjeç, pasi që do t’ia paguajë klauzolën e lirimit prej 120 milionë eurove.
Griezmann shënoi 133 gola në 256 ndeshje për Atleticon, prej se erdhi aty nga Real Sociedadi në vitin 2014.
