QENDRA MEKSIKANE
Gustavo Ayon i bashkohet debutuesve
26 July, 2019 @15:41
Njëri ndër basketbollistët më të dalluar të Euroligës në vitet e fundit që luajti për Real Madridin, Gustavo Ayon, është anëtar më i ri i Zenitit të Shën Petersburgut, që do të debutojë sivjet në Euroligë.
Ayon 34 vjeç, 208 centimetra i gjatë ka fituar titullin e kampionit të Evropës me Realin më parë, ndërsa pas 5 stinorësh ndahet me kryeqytetin spanjoll.
Qendra meksikane ka pasur mesatare prej 9.4 pikëve, 5.8 kërcimeve dhe 2.4 asistimeve në 141 ndeshjet e Euroligës.
