CHAMPIONS LEAGUE WOMEN
Hajvalia e papërvojë, mposhtet në fund
25 August, 2016 @22:10
Papërvoja në garat ndërkombëtare, i ka kushtuar shtrenjtë në ndeshjen e dytë të Hajvalisë në kualifikimet për Ligën e Kampionëve në konkurrencën e femrave.
Kampionet kosovare ishin shumë pranë të nxjerrin një pikë nga ndeshja me skuadrën qipriote, Apollon Limassol, mirëpo fundi ishte i dhimshëm për to, pasi mesfushorja nga Malta, Rachel Cuschieri, shënoi golin e vetëm në ndeshje në minutën 89’.
Ky rezultat i ka humbur shpresat e Hajvalisë për t’u kualifikuar tutje, ndërsa pas tre dite do ta zhvillojë edhe ndeshjen e tretë dhe të fundit të kësaj faze ndaj skuadrës nga Ishujt Faroe, KI.
