Hajvalia i mban lekcion Trepçës’89

Ekipi i Hajvalisë sot i ka mbajtur lekcion futbolli Trepçës’89 në Riza Lushta të Mitrovicës duke e mposhtur me rezultat të thellë dhe bindës, 0-4. 

Kjo ka qenë ndeshja me më së shumti gola të shënuara në pranverë dhe njëkohësisht fitorja më e madhe prej se futbollistët e Superligës Kosovare dolën nga dimri i gjatë. 

Hajvalia me trajner të ri Sunaj Keqin ka shfaqur një ndeshje të kujdesshme dhe sulmuese, derisa ka shënuar në çdo pjesë nga dy herë për t’ia dhënë humbjen e dytë të mitrovicasve në pranverë dhe për të vazhduar serinë e pamposhtshmërisë për ekipin e tyre. 

Veton Shabani dhe Agron Shabani kanë shënuar në pjesë të parë, derisa kur mitrovicasit u hapën në pjesë të dytë, Fillim Guraziu, që po duket se po kthehet në formë shënon për 3-0 e më vonë edhe Festim Krasniqi shënoi për përfundimtaren 4-0. 

Rezultatet dhe tabela aktuale.