Harry Kane me hat-trick, Bayern demolon Dortmundin

Harry Kane ka shënuar hat-trick, ndërsa Bayern ka mposhtur thellë Borussia Dortmundin në derbin e posa përfunduar të Bundesligës sonte. Bayern ka treguar forcën herët në ndeshje, duke mos lënë shumë hapësirë për të menduar vendasit, derisa ka shënuar dy herë brenda nëntë minutave të para të lojës, për ta kompletuar fitoren në fund me katër gola dallim, Dortmund 0-4 Bayern [Upamecano 4’, Kane 9’, 72’, 90’+3].

Bayern pas 10 ndeshjeve ka 26 pikë dhe është i dyti në renditje, me 2 pikë më pak sesa lideri Bayer, ndërsa Dortmund i katërti mbetet në 21 pikë.