Hasani: Optimist për fitore

Njëri ndër lojtarët më të dalluar të Trepçës’89 dhe Kosovës U21, Florent Hasani, në deklaratën e tij para ndeshjes ndaj Izraelit U21 ka thënë se ekipi është optimist për fitore.

“Me prurjet e reja dhe me harmoninë që kemi krijuar në ekip jam shumë optimist se do të arrijmë fitore. Natyrisht se për t’ia arritur këtij qëllimi nuk do të jetë aspak e lehtë, por në ndeshjet e fundit kemi dëshmuar se kemi shpirt luftarak dhe nuk i frikësohemi asnjë kundërshtari. Ftoj tifozët që të jenë në numër sa më të madh në këtë ndeshje, ngase përkrahja e tyre na jepë forcë dhe kurajë për fitore,” ka thënë Hasani sot, shkruan FFK.

SHIKO: Futbollistët e ftuar për ndeshjet e radhës dhe tabelën

Kosova U21 do t’i ketë 2 përballje në grupin e saj përgjatë nëntorit. Pas duelit me Izraelin U21 që zhvillohet më 9 nëntor, ekipi udhëton drejt Bakus për duel ndaj Azerbejxhanit më 14 nëntor.