Hazard inspiron Realin drejt fitores

Mesfushori ofanziv belg, Eden Hazard, është kthyer nga lëndimi për të inspiruar ekipin e tij drejt fitores komode ndaj Eibarit 3-1 [Kross 4, Ramos 30, Marcelo 37 - Bigas 60].

Ndeshja u zhvillua në Estadio Alfredo di Stefano, ku Reali zhvillon stërvitjet, pasi që në Santiago Bernabeu ka punime për zhvillim të mëtutjeshëm të stadiumit.

Toni Kroosit i janë dashur vetëm tre minuta për të shënuar gol të bukur të epërsisë, pas punës së mirë të kryer nga Karim Benzema në anë të majtë.

TABELA AKTUALE

Sergio Ramos e dha të dytën, pas një kundërsulmi ku u përfshinë Benzema e Hazard. Ndërsa Marcelo me një goditje plumb kreu punën dhe siguroi tre pikëshin për vendasit që në pjesë të parë.

Mysafirët arritën të shënojnë 15 minuta pasi që kishte filluar pjesa e dytë, por kjo ishte e tëra që treguan ata.

Fitorja, mban Real Madridin si ndjekës kryesor në hap të Barcelonës kryesuese, një ditë pasi që katalonasit kaluan lehtë ndaj Real Mallorcës.