Hazard vazhdon edhe 5.5 vjet me Chelsean

Mesfushori i jashtëzakonshëm i Chelseat, Eden Hazard, ka nënshkruar kontratë të re me ekipin e tij, për tu vulosur si lojtar në Stamford Bridge edhe për 5.5 vitet e ardhshme. 

Lideri i Premier League, Chelsea, ka negociuar me menaxherët e Hazardit për disa muaj për të arritur marrëveshjen që do t’i sjell belgut 24 vjeç rrogë javore prej 200 mijë funtave! 

“Jam shumë i lumtur që kam nënshkruar kontratë të re me Chelsean. Prej se kam ardhur këtu gjithmonë jam ndier mirë dhe klubi ka qenë afër meje në çdo kohë,” ka thënë Hazard për faqen zyrtare të Chelseat. 

Lidhur me nënshkrimin e Hazardit, trajneri i Chelseat, Jose Mourinho, është përgjigjur në shaka. 

“Problemi ka qenë te lapsi, për atë jemi vonuar në nënshkrim. Më është dashur kohë që të shkojë në Sloane Street për të blerë një laps kimik të mirë për të nënshkruar kontratën,” është cituar të ketë thënë Mourinho karizmatik. 

Përndryshe ai ka shtuar se: “Me nënshkrimin e kontratës ai ka treguar se i beson këtij klubi dhe stafit të trajnerëve. Ai është lojtar i klasit botëror dhe po evoluon në mënyrë fantastike. Ai është ende i ri dhe do të bëhet më i miri nga të gjithë.”

Belgu Hazard, ka shënuar 13 gola në të gjitha garat e këtij stinori për Chelsean. Prej se erdhi nga Lille i Francës në Chelsea për 32 milionë funta në vitin 2012, ai ka shënuar në total 43 gola në 147 paraqitje për ekipin londinez. 

Eden Hazard has today signed a new five-and-a-half-year contract with Chelsea…http://t.co/i6YGX9wNNY #HazardCFC pic.twitter.com/JN4DiAAofG

— Chelsea FC (@ChelseaFC) February 12, 2015