Holanda siguron finalen e Ligës së Kombeve

Me një rikthim, që është dashur të shndërrohet në fitore pas vazhdimeve, Holanda e Ronald Koemanit ka arritur të sigurojë finalen e parë të Ligës së Kombeve sonte, duke e mposhtur Anglinë që gabonte shumë në mbrojtje.

Përkundër se patën rastet e veta, anglezët panë edhe një gol të anuluar nga VAR kur rezultati ishte 1-1 gjatë kohës së rregullt, e pas kësaj ishte Holanda që tha fjalën kryesore dhe dëshmoi fuqinë për fitore 3-1 (De Ligt 73’, Walker AG 97’, Promes 114’ - Rashford 32’ PEN) në fund.

Të dielën Portugalia dhe Holanda takohen për titullin e parë dhe historik të Ligës së Kombeve në Dragao të Portos, derisa Anglia ndeshet të njëjtën ditë në Guimaraes me Zvicrën për vend të tretë.