Humbëm vetëbesimin pas shënimeve

Trajneri i përfaqësueses së Kosovës në basketboll, Damir Mulaomerovic, pas humbjes kundër Rumanisë, ka thënë se pas shënimeve të kundërshtarit skuadra e tij e humbi vetëbesimin.

“Ne kemi luajtur mjaft mirë në pjesën e parë të ndeshjes, por pas pjesës së parë kundërshtari ka bërë presion më të madh në ne.

Në çerekun e katërt unë besoj që disa lojtarë të mi e kanë humbur vetëbesimin kur Rumania ka filluar të shënoj trepikësha të njëpasnjëshëm. Por kaq ishte, ne duhet të vazhdojmë tutje.

Unë vetëm duhet të përgëzojë lojtarët e mi dhe skuadrën time pas një ndeshje të tillë. Ata e kanë dhënë më të mirën e tyre”. - u shpreh Mulaomerovic pas ndeshjes.

TABELA AKTUALE

Kosova aktualisht gjendet në pozitën e fundit në Grupin B, derisa ndeshja e radhës do të jetë kundër Maqedonisë më 2 dhjetor në Gjevgjeli.