Hysaj pranë rinovimit

Skuadra e Napolit është duke punuar në drejtim për ta kompletuar marrëveshjen me Elseid Hysajn, me të cilin po synon ta rinovojë kontratën.

Sipas Sky Sports, agjenti i futbollistit, Mario Giuffredi, sot ka udhëtuar në Napoli, për t’u takuar me drejtorin sportiv të skuadrës, Cristiano Giuntoli, ku do t’i diskutojnë detajet e fundit para nënshkrimit të kontratës së re.

Kontrata e re e Hysajt pritet të jetë 5 vjeçare, deri më 2021, me mundësi të vazhdimit edhe për një vjet, ndërsa do të përfshihet edhe një klauzolë prej 50 milionë eurove, që do të vlejë për shtete të tjera.