KUPA E KOSOVËS
Shorti i Kupës, nesër në Shtëpinë e Sporteve
26 September, 2016 @13:34
Federata e Futbollit të Kosovës (FFK) ka bërë të ditur se nesër do të hidhet shorti i rrethit të parë të Kupës së Kosovës në futboll.
Për më tepër, FFK ka tërhequr vërejtjen se aty janë të përfshira edhe ekipet e Ligës së Dytë të Kosovës, ndërsa mospjesëmarrja në garat e Kupës nga ana e cilësdo skuadër do të ketë pasoja për ekipin edhe garat kampionale, ka shkruar FFK-ja në njoftimin e saj sot.
Shorti mbahet nesër, 27 shtator 2016, me fillim prej orës 13:00 në Shtëpinë e Sporteve në Prishtinë.
