Hyseni vendos, Llapi mban hapin me liderin

Në një ndeshje të vështirë në “Rexhep Rexhepi” Llapi ka arritur të dalë fitues ndaj Feronikelit’74 të drejtuar nga Shefki Kuqi, vetëm pas një kombinimi të bukur nga gjuajtja e lirë për të siguruar fitoren.

Ka qenë golashënuesi më i mirë aktualisht i Superligës, Muhamet Hyseni që ka bërë dallimin, pasi që pas pranimit të topit nga gjuajtja e lirë nga Arbnor Ramadani, ka luajtur pasim të dyfishtë me Leotrim Bekteshin për të gjetur veten para aktit të kryer - ku me goditje precize vendosi ndeshjen, për përfundimtaren Feronikeli’74 - Llapi 0-1 [Muhamet Hyseni 68’].

TABELA AKTUALE

Ky gol ka qenë i mjaftueshëm për fitoren e Llapit dhe tashmë ekipi i Tahir Batatinës mbetet ndjekësi kryesor i liderit Ballkani në renditje, ku pas 23 ndeshjesh kanë 47 pikë, një më pak se lideri! Në anën tjetër Feronikeli’74 është i shtati në renditje me 23 pikë. Xhiron që vjen, LLapi luan si vendas ndaj Gjilanit, ndërsa Feronikeli’74 i shkon Lirisë.