I lumtur për debutimin

Futbollisti i Manchester Cityt, i cili ditë më parë u transferua në skuadrën holandeze Cambuur, Sinan Bytyqi, ka realizuar debutimin e tij te kjo e fundit.

Mesfushori 20 vjeçar e realizoi paraqitjen e tij të parë me ekipin Cambuur në ndeshjen e djeshme kampionale kundër skuadrës ADO Den Haag, që përfundoi me rezultat 2-2. Bytyqi ishte inkuadruar në lojë në minutën 64’ duke e zëvendësuar bashkëlojtarin e tij, Daniel De Ridder.

Ai, kënaqësinë e tij për debutimin e shprehu duke shkruar në llogarinë e tij zyrtare në Twitter, duke shkruar: “Shumë i lumtur për debutimin tim në Eredivise.”

Bytyqi para se të huazohet në Cambuur, ku do të luajë deri në fund të këtij stinori, kishte nënshkruar kontratë 2.5 vjeçare me Manchester Cityn.

Very happy to have made my debut in the eredivisie ⚽️ #sccambuur pic.twitter.com/9pVPRllf0s

— Sinan Bytyqi (@SinanBytyqi72) January 18, 2015