REIMS 0-2 PARIS
Icardi i jep fitoren Parisit në duel ndaj reprezentuesve Berisha e Zeneli
27 September, 2020 @22:59
Skuadra e dyshes së reprezentacionit të Kosovës, Reims, nuk ka arritur t’i bëj ballë superfuqisë Paris St Germain sonte, duke u mposhtur në shtëpi 0-2 [Icardi 9, 62].
Valon Berisha nisi ndeshjen nga minuta e parë dhe luajti përgjatë 90min për ekipin e tij sonte, ndërsa Arbër Zeneli u inkuadra në 25 minutat e fundit të lojës, pa arritur të ndërrojë diçka në rezultat.
Humbja, e lë Reimsin në një pikë të vetme të fituar këtë stinor në Ligue 1 në pozitë të parafundit të tabelës, derisa Parisi tashmë ka arritur kuotën e 9 pikëve pas 5 ndeshjeve të zhvilluara.