1/8: BALLKANI - MALISHEVA
Ilir Daja debuton me fitore, Ballkani në çerekfinale
6 February, 2022 @15:00
Sot edhe Ballkani i është bashkangjitur skuadrave që e kanë arritur fazën çerekfinale të Kupës së Kosovës në futboll.
Suharekasit nga 1/8 e finales e eliminuan Malishevën, të cilën e mposhtën 1-0.
Për herë të parë në ndeshje zyrtare, sot Ballkani u drejtua nga Ilir Daja, kryetrajneri i emëruar në fillim të këtij viti kalendarik.
Pjesa e parë e ndeshjes u mbyll pa gola, e goli i fitores për suharekasit erdhi në pjesën e dytë.
Goli i fitores dhe kualifikimit për Ballkanin erdhi nga Albion Rrahmani, i cili ndaj ish-skuadrës së tij shënoi në minutën e 79’ dhe kështu ia siguroi Ballkanit çerekfinalen.
Kundërshtarin e çerekfinaleve Ballkani do ta mësojë pas shortit.
