Interi me dy përforcime!

Skuadra e heshtur e afatit kalimtar, Inter, ka siguruar shërbimet e dy futbollistëve mesfushorë. Nerrazurët kanë arritur marrëveshje me futbollistin e Stuttgartit, Zdravko Kuzmanovic, dhe atë të Atalantas, Ezequiel Schelotto.

Sipas goal.com, dyshja e re zikaltër pritet të nënshkruajë kontratë nesër pasi të kalohet nga testet mjekësore.

Serbi Kuzmanovic luan si mesfushor defansiv, derisa argjentinasi me nënshtetësi italiane, Schelotto, është mesfushor i krahut të djathtë.

Inter deri më tani kishte bërë vetëm një transferim, duke e blerë sulmuesin veteran nga Lazio, Tommaso Rocchi.