JAVA E DYTË
Interi zhgënjen përsëri
28 August, 2016 @19:59
Entuziazmi pas ardhjes së Gabigolit dhe Joao Marios gjatë këtyre ditëve është ‘zvogëluar’ në kampin interist pas rezultatit në takimin e sotëm.
Interi u ndal nga Palermo në ‘Giussepe Meazza’, duke bërë që fitore për ekipin e holandezit Frank De Boer të mos ketë as në xhiron e dytë.
Pjesa e parë u mbyll pa gola, kurse të parët në epërsi kaluan mysafirët, me goditjen e Rispolit që u devijua nga mbrojtja vendase dhe përfundoi në portë. Interi më pas barazoi përmes Icardit me kokë, mirëpo goli i fitores nuk erdhi për asnjë moment.
Xhiron e ardhshme, Interi i shkon Pescaras, kurse Palermo e pret Napolin.
