Iran Jr. siguron fitoren për nënkampionen ndaj Drenicës së rënë

Një duel tjetër që nuk kishte matematika në Superligë sot në kuadër të xhiros së fundit ka qenë ai në mes të Drenicës së rënë nga elita e futbollit për herë të parë në histori të saj pasluftës dhe Dritës mysafire që mbeti nënkampione dhe siguroi garat evropiane për këtë verë.

E në këto kushte, pa presion, futbollistët e të dyja ekipeve shfaqën më të mirën e tyre në përballje, ku Drenica e nisi me gol, por shpejt Drita u rikthye, ndërsa në pjesë të dytë vulosi fitoren, për përfundimtaren Drenica 1-3 Drita [Altin Vojvoda 17’ — Muharrem Jashari 19’, Iran Jr. 48’ 73’].

TABELA AKTUALE

Drenica e drejtuar nga Blerim Devolli mbylli stinorin me 23 pikë nga 36 ndeshje dhe u bë ekipi i parë që ra nga Superliga këtë stinor, duke përfunduar në pozitë të dhjetë. Ndërsa Drita mbylli stinorin me 70 pikë, 3 më pak sesa Ballkani kampion.