ZYRTARE
Ish-braziliani i Kukësit e Niklit, përforcon Dukagjinin
24 July, 2021 @11:17
Një futbollist brazilian është zyrtarizuar sot si lojtari më i ri i Dukagjinit nga Klina!
Skuadra e sapo-rikthyer në Superligë ka nënshkruar sot me brazilianin Da Silva Carioca, i cili është 33-vjeçar dhe luan në rolin e mesfushorit ofansiv.
Tri vitet e kaluara Carioca ishte pjesë e skuadrës së Feroniklit, kurse më herët gjatë karrierës ka luajtur edhe në Shqipëri te skuadra e Kukësit, me të cilën e ka fituar Kupën e Shqipërisë si dhe ka luajtur në garat evropiane.
Mbrëmë skuadra nga Klina e zyrtarizoi një tjetër përforcim, futbollistin Moriba nga Guinea, kurse ditë më parë ka zyrtarizuar edhe futbollistët Argjend Bardhi, Ergyn Ahmeti, Henry Chibueze e Arbër Shala.
