ISTOG
Istogu shuan Dritën
8 November, 2015 @15:00
Kthimi i Istogut në stadiumin e vetë Demush Mavraj, ka qenë senzacional dhe lojtarët i dhuruar publikut një fitore me lojë bindëse ndaj Dritës së painteresuar sot në Bjeshkët e Nemuna.
Pjesa e parë kaloi pa gola përkundër dominimit të Troftave, derisa raste ideale patën Kushtrim Gashi dhe Mensur Duraku, por kapiteni i gjilanasve i ndali këto.
Sidoqoftë, në pjesë të dytë një gol me pak fat ishte i mirëseardhur për ekipin e Genc Hoxhës që pastaj çdo gjë çoi në vend të vetë.
Fatlum Gashi gjuajti një krosim drejt portës, që përmes devijimit nga mbrojtja përfundoi në portën e Dritës. Kjo solli epërsinë për Istogun dhe pastaj në fund, zëvendësuesi Arbër Hoxha pas topit të pranuar nga Dukagjin Gashi shënoi për 2-0 dhe për të siguruar fitoren.
Kjo ka qenë fitorja e tretë e Istogut këtë stinor dhe nuk i nxjerr ata nga fundi i tabelës, por sidoqoftë, shpresa për pranverë mbetet.
