PEJË
Rexha përsëri vendos
8 November, 2015 @14:54
Sulmuesi Kastriot Rexha ka shënuar golin e radhës për ekipin e Besës, duke i sjellë fitoren ekipit në derbi ndaj Trepçës’89.
Rexha ka goditur me volej për të shënuar golin në pjesë të dytë të takimit, derisa Besa arkëtoi tre pikëshin e radhës në Shahin Haxhiislami të Pejës sot.
Trepça’89 nga minuta e dhjetë e takimit luajti me 10 lojtarë, pasi që kapiteni Shpëtim Idrizi u ndëshkua me karton të kuq nga referi kur luajti me dorë në zonë të rreptësisë, e penalltinë e fituar për pejanët nuk e realizoi Fetim Kasapi.
Besa dominoi në pjesë të madhe të ndeshjes, derisa Trepça’89 u mundua të ruaj portën dhe të shpresojë në kundërsulme.
Raste për Besën kishte edhe Fatih Karahoda e Kastriot Rexha më vonë, por gola më nuk kishte, ndërsa ekipi i Arbnor Morinës regjistroi fitoren e gjashtë të stinorit.
