TRANSFER
Jehona Shala transferohet te Vllaznia
16 January, 2020 @9:59
Jehona Shala, një emër i njohur në futbollin e femrave në Kosovë, ka ndërruar skuadër.
Futbollistja në fjalë karrierën e saj do ta vazhdojë te Vllaznia e Shkodrës, me lajmin që u zyrtarizua nga vetë klubi shkodran.
Vllaznia e Shkodrës momentalisht i prin Superligës së Shqipërisë në kategorinë e femrave me 5 pikë më shumë se vendi i dytë, ndërkohë ardhja e Jehona Shalës në sulm do të jetë zëvendësim i së larguarës Amanda Doyle, futbollistes amerikane.
18 vjeçarja Jehona Shala gjatë karrierës së saj ka luajtur te Liria e Prizrenti dhe te skuadra A&N, ndërsa tash atë do ta shohim në Superligën e Shqipërisë.
