Rrahmani: Jemi ekip i vogël, duhet të shënojmë patjetër të parët

Njëri prej futbollistëve më të mirë në fushë për përfaqësuesen e Kosovës në përballje me Ukrainën, Amir Rrahmani, pas ndeshjes, foli për mikrofonin e kanalit transmetues të këtij dueli, Supersport.

Rrahmani, tha se Kosova luajti mirë në pjesën e parë dhe kishte rastet e veta për shënim, por për të arritur deri tek rezultati pozitiv duhet të shënojnë të parët.

“Bëmë një pjesë të parë të mirë sepse e dinim që do ishte ndeshje e fortë. Ukraina është kundërshtar cilësor dhe luan në mënyrë më direkte se Kroacia. Ne patëm rastet tona, por ishim të pafat pasi goditëm dhe shtyllën. Luajtëm më mirë në mbrojtje se ndaj Kroacisë, mbyllëm hapësirat dhe dy gola i pësuam vetëm me goditje nga larg. Ne jemi ekipi i vogël dhe duhet të shënojmë patjetër të parët, ndryshe nuk mund t’ia dalim të marrim rezultate pozitive,” tha Rrahmani