NIGERIANI MIKEL
John Obi Mikel në La Liga
3 January, 2017 @8:53
Mesfushori nigerian i Chelseat, të cilit i skadon kontrata këtë verë me ekipin londinez, është në bisedime me Valencian nga Spanja.
Njoftimin e ka bërë të ditur vetë klubi spanjoll, shkruajnë mediat e atjeshme, ndërsa drejtuesit e klubit duke pasur parasysh që në verë John Obi Mikel mbetet lojtar i lirë, do t’i ofrojnë Chelseat një minimum për transferim.
Për Mikelin, interesim kanë shfaqur edhe ekipet nga Superliga kineze, pastaj Interi dhe Marseille, etj.
Nigeriani 29 vjeç kishte ardhur në Chelsea nga Lyni norvegjez në vitin 2006, prej kur ka regjistruar 374 paraqitje për ekipin e kaltër nga Londra.
