Kalohet edhe Serbia!

Shqipëria e ritheu rekordin e muajit të kaluar në renditjen botërore të FIFA-së duke përparuar për një vend.

Kuqezinjtë tani gjenden në pozitën 37, duke e kaluar përfaqësuesen e Serbisë, e cila ka rënë për pesë vende (41).

Ngritje të dukshme ka realizuar përfaqësuesja e Brazilit, e cila falë performancës së mirë në Kupën e Konfederatave është ngjitur për 13 pozita duke u renditur tani në vendin e nëntë, derisa lidere vazhdon të mbetet Spanja, e ndjekur nga Gjermania.

Nga kundërshtarët tanë, Zvicra ka rënë për dy pozita (16), Norvegjia ka përparuar për katër (25), Sllovenia ka përparuar për dhjetë (45), Islanda ka rënë për 12 (73) dhe Qiproja ka rënë për 3 pozita (125).