KAMPIONËT

Ndeshja e xhiros së ardhshme e Ferronikelit në Drenas në përballje me Llapin, do të ketë karakter vetëm festiv.

Kjo për arsye se Ferronikeli ka siguruar titullin e kampionit tre javë para fundit të kampionatit, pasi fitoi në Gjilan me rezultat minimal, por me meritë kundër skuadrës së Gjilanit.

Goli i Ferronikelit erdhi në minutën 44’, kur Astrit Thaqi shënoi me kokë pas krosimit nga goditja e këndit.

Në minutën 61’ u lehtësuan edhe më shumë punët për Ferronikelin, pasi Gëzim Rusi i Gjilanit u ndëshkua me karton të kuq dhe kështu vendasit mbetën pa forcë për ta ndryshuar rezultatin në vijim.

TABELA AKTUALE

Me këtë, Ferronikeli ka arritur ta mbrojë titullin e kampionit që kishte fituar vitin e kaluar për herë të parë në historinë e tij, ndërsa në stinorin e ardhshëm do ta përfaqësojë Kosovën për herë të parë në garat e Ligës së Kampionëve.