Kurorëzohet Leicesteri

Kapiteni Wes Morgan sapo ngriti trofeun e kampionit të Premier Leagues, gjest i cili finalizon ëndrrën e madhe të klubit që i befasoi të gjithë këtë sezon.

Edhe pse gjithçka është vendosur përsa i përket vendit të parë, Leicesteri nuk e la pas dore ndeshjen e sotme kundër Evertonit. Vardy, i saporikthyer nga pezullimi, shënoi shumë shpejt golin e avantazhit pas krosimit nga King. Ky i fundit e dyfishoi atë avantazh gjysëm ore më vonë duke shfrytëzuar një top të ardhur nga një depërtim i shkëlqyer në zonë nga Ryad Mahrez.

As në pjesën e dytë Leicesteri nuk u ndal. Vardy arriti me sukses të shënojë përsëri, këtë radhë me 11-metërsh të fituar nga vetë ai. 29-vjeçari kishte mundësinë të shënonte tripletë, por nuk arriti të tregohej përsëri i saktë nga 11-metërshi pak minuta më vonë.

Mirallas, me një sulm individual, arrinti ta ngushtojë diferencën e golave për Evertonin në 3-1, por asgjë më shumë se kaq.

TABELA AKTUALE

Ranieri do të rikthehet pas 12 vitesh në Stamford Bridge, për të luajtur fundjavën e ardhshme ndeshjen e fundit të këtij sezoni madhështor.