Granit Xhaka i afrohet Arsenalit

Granit Xhaka në stinorin e ardhshëm mund ta vesh fanellën e Arsenalit.

Sipas mediumit britanez, Daily Star, skautët e Arsenalit e kanë vëzhguar Xhakën më shumë se 30 herë këtë stinor dhe thuhet se është bërë një ofertë prej 24 milionë funtave në drejtim të skuadrës Borussia Monchengladbach për shërbimet e 23 vjeçarit.

Në garë për ta transferuar Granitin është edhe Liverpooli, trajneri i së cilit, Jurgen Klopp, i njeh nga afër aftësitë e futbollistit, pasi është përballur disa herë derisa drejtonte Borussia Dortmundin në Gjermani, kurse gjithashtu e inoteresuar është treguar edhe Bayern Muncheni.

Trajneri i Arsenalit, Arsene Wenger, po kërkon me çdo kusht ta forcojë mesfushën gjatë verës, pasi që nga skuadra do të largohet futbollistët si Mikel Arteta, Mathieu Flamini dhe Tomas Rosicky, të cilëve do t’i skadojë kontratat në fund të stinorit.