SHPALLET LISTA

REUTERS

Kandidatët për Topin e Artë!

29 October, 2013 @9:11

FIFA Topi i Artë 2013 tani më i din emrat e fituesve të mundshëm. Trajnerët dhe kapitenët e të gjitha përfaqësueseve si dhe përfaqësuesit e mediave të përzgjedhur nga France Football do të votojnë për më të mirët, pas së cilës do të dihen fituesit e këtij çmimi prestigjioz.

Pas votimeve të para, FIFA do të shpallë listën e ngushtë prej tre futbollistëve dhe trajnerëve që kanë fituar më së shumti vota, për të cilët votohet përsëri në dhjetor.

Në ditën e shpalljes së fituesve të futbollistit më të mirë dhe trajnerit më të mirë, do të ipen edhe shpërblimet si Çmimi Puskas - për golin më të bukur të vitit, Fair Play i vitit si dhe Çmimi presidencial i FIFA-së.

Gjithashtu, FIFA në fillim të muajit dhjetor do të shpallë kandidatën për njëmbëdhjetëshen më të mirë të botës FIFA FIFPro World XI - ku nominohen nga tre deri pesë futbollistë nga çdo pozitë në fushë për të përcaktuar 11-shen më të mirë të vitit.

FIFA/ Topi i Artë, Lista e kandidatëve:

FUTBOLLISTËT KANDIDAT PËR TOPIN E ARTË/ LOJTARIN MË TË MIRË TË VITIT 2013	Gareth Bale (Uells), Edinson Cavani (Uruguaj), Radamel Falcao (Kolumbi), Eden Hazard (Belgjikë), Zlatan Ibrahimović (Suedi), Andrés Iniesta (Spanjë), Philipp Lahm (Gjermani), Robert Lewandowski (Poloni), Lionel Messi (Argjentinë), Thomas Müller (Gjermani), Manuel Neuer (Gjermani), Neymar (Brazil), Mesut Özil (Gjermani), Andrea Pirlo (Itali), Franck Ribéry (Francë), Arjen Robben (Holandë), Cristiano Ronaldo (Portugali), Bastian Schweinsteiger (Gjermani), Luis Suárez (Uruguaj), Thiago Silva (Brazil), Yaya Touré (Bregu i Fildishtë), Robin Van Persie (Holandë), Xavi (Spanjë).
TRAJNERËT KANDIDAT PËR TOPIN E ARTË/ TRAJNERIN MË TË MIRË TË VITIT 2013	Carlo Ancelotti (Itali/Paris Saint-Germain FC/Real Madrid CF), Rafael Benítez (Spanjë/Chelsea FC/SSC Napoli), Antonio Conte (Itali/Juventus), Vicente Del Bosque (Spanjë/Kombëtarja e Spanjës), Sir Alex Ferguson (Skoci/Manchester United FC ish trajner), Jupp Heynckes (Gjermani/FC Bayern München ish trajner), Jürgen Klopp (Gjermani/Borussia Dortmund), José Mourinho (Portugali/Real Madrid CF/Chelsea FC), Luiz Felipe Scolari (Brazil/Kombëtarja e Brazilit), Arsène Wenger (Francë/Arsenal FC).