KEK 1-0 TREPÇA
Pamje nga arkivi
KEK-u i Ligës së Dytë, befason dhe eliminon Trepçën
2 December, 2021 @14:51
Skuadra e Obiliqit, KEK, që garon në Ligë të Dytë të Kosovës në futboll, ka bërë befasinë e ditës sot në kuadër të Kupës së Kosovës.
Ekipi i “elektricistëve” ka shënuar fitore ndaj skuadrës që kreu vjeshtën në vend të dytë në Ligë të Parë Grupi A dhe po mëton Superligën stinorin tjetër, Trepçën, me rezultat minimal.
Golin e vetëm dhe të fitores në ndeshje e ka shënuar Adonis Përvetica, kur qëlloi portën kundërshtare në pjesë të parë të ndeshjes (27) që doli të jetë edhe rezultati përfundimtar i ndeshjes.
Kështu KEK-u kalon në të tetën e finales së Kupës së Kosovës, ndërsa mitrovicasit eliminohen nga garat e mëtutjeshme të Kupës.
