Kemi gjasa për kualifikim

Barcelona ka avantazh tre golësh nga ndeshja e parë gjysmëfinale e Ligës së Kampionëve ndaj Bayern Munnchenit. 

Pas shfaqjes në Camp Nou, dueli sonte zhvillon pjesën e dytë në Allianz Arena, ku Bayerni ka përmbysur shumë skuadra. 

“Jemi 3-0 pas, ndërsa luajmë ndaj ekipit më të mirë në botë të 15 viteve të fundit. Ndeshjes s’i dihet asnjëherë, pasi që mos harroni, për 77 minuta lojë atje ishte 0-0. Ne jemi Bayerni dhe gjithmonë kemi gjasa. Nuk është e pakalueshme sfida, por përveç fitores duhet të përdorim kokën dhe zemrat,” ka thënë Pep Guardiola, trajner i Bayernit, para sfidës së sontme kthyese të Ligës së Kampionëve, në konferencën për shtyp para duelit. 

Lëndimet e shumta te ekipi gjerman ia mundësuan Barcelonës statusin e favoritit, ndërsa sonte Bayern dëshiron të rikthehet edhe njëherë. 

“Po, ne jemi ekipi më i mirë në botë për kundërsulme. Nëse Pep ka thënë ashtu, ne e pranojmë. Nuk duam të kemi ndeshje të çmendur. Duam të mbajmë topin dhe të krijojmë raste,” ka thënë ndër të tjera Luis Enrique, trajner i Barcelonës, para ndeshjes që nis në ora 20:45 në Munchen. 

Bayern dy stinorë më parë ka mposhtur Barcelonën në Allianz Arena 4-0. Ndërsa Barcelona po kërkon finalen e parë që nga viti 2011.

Formacionet e mundshme:

Koefiecientet e bastoreve: