Khalid në formë, Prishtina me të gjashtën radhazi

Nuk ka pasur kurrëfarë problemi për Prishtinën sot në Shahin Haxhislami të Pejës. Falë sulmuesit Basit Khalid, Prishtina ka shënuar dy gola në pjesë të parë të ndeshjes për të siguruar fitoren ndaj Besës, që dominoi në pjesë të dytë, pasi që mysafirët mbetën me 10 lojtarë kur Liridon Leci u përjashtua me karton të kuq.

Gjithsesi, Prishtina menaxhoi si duhet lojën në pjesë të dytë dhe kapi 3 pikëshin e rëndësishëm që e mban në luftë për titull, pasi që është vetëm 8 pikë larg liderit Trepça’89, 5 xhiro pa përfunduar stinori.

TABELA AKTUALE

Besa në anën tjetër përkundër tentimeve ka qenë e pafuqishme për të bërë diçka më shumë në këtë përballje, duke regjistruar humbjen e tetë të stinorit, por përmes Kastriot Rexhës ka shënuar golin e nderit në ndeshje, edhepse ishte afër për të barazuar në minutat e mbetura. 

Khalid prej 7, me golat e sotme ngrit kuotën e golave në 9 dhe me këtë vërteton formën e tij të mirë të kapur në muajin e fundit. Në fund të ndeshjes, edhe Armend Dallku u skuq nga referi, për të përfunduar bardhekaltërit ndeshjen me 9 veta.

Pas kësaj xhiroje, Besa udhëton në ndeshje ndaj Feronikelit, ndërsa Prishtina pret Llapin.