ARGJENTINA 1-1 KILI
Kili ndalë Argjentinën, pas super-golit të Messit
15 June, 2021 @1:10
Përkundër avantazhit dhe lojës së mirë të treguar në fillim, Argjentina nuk ka arritur që të shënojë fitore në ndeshjen e tyre hapëse në Copa America 2021, pasi që futbollisti i Kilit Eduardo Vargas, ka arritur të barazojë rezultatin e ndeshjes, pas penalltisë së mbrojtur!
Lionel Messi i dha avantazhin ekipit të Argjentinës me një super gol nga gjuajtja e lirë 1-0 [33], gol që çoi në pushim Argjentinën në epërsi.
Por, kur minuta shënoi 57, penalltia e Arturo Vidalit, që u dëbua nga Damian Martinez përfundoi para Eduardo Vargasit që barazoi për përfundimtaren 1-1.
Kështu, dy skuadrat ndanë pikët në përballjen e parë të Grupit A të Copa America, derisa pas pak fillon edhe dueli tjetër i grupit, mes Paraguajit dhe Bolivisë.
