Kjo është ëndërr

Mesfushori spanjoll, Isco, i cili ka qenë njeriu më meritor në fushë për kualifikimin e Malagas në çerekfinale të Ligës së Kampionëve, pas ndeshjes ka treguar sekretin e fitores së ekipit të tij, që eliminoi Porton. 

“Para pak kohe, një arritje e tillë dukej e pabesueshme për ne. Kjo është ëndërr. Ne kemi arritur të lirohemi nga bllokimet që na janë bërë dhe kemi treguar intenzitet në këtë përballje, që ka qenë e kërkuar nga ne. Ne i kemi treguar të gjithëve sonte se çka jemi në gjendje të bëjmë. E merituam fitoren. Liga e Kampionëve është esenca e futbollit të sotëm dhe ne do të vazhdojmë të kënaqemi në fushë pa marrë parasysh se kë e kemi para nesh,” ka thënë Isco menjëherë pas ndeshjes në konferencën për shtyp. 

Malaga këtë stinor ka debutuar në Ligën e Kampionëve, ndërsa në fillim të stinorit ka rënë në krizë financiare duke shitur disa nga futbollistët kyq, mirëpo me luftë të madhe arritën t’i përballojnë të gjitha dhe tani janë në TOP 8 ekipet europiane të stinorit.