Kombëtarja e padisciplinuar

Kanë filluar të dalin edhe disa mangësi tjera të futbollistëve të përfaqësueses pas dy humbjeve gjatë një jave. 

E përditshmja tiranase, Panorama, njofton se regjimi ushtarak i Gianni De Biasit është thyer nga disa futbollistë të rregullt në kombëtare, të cilët kanë dalë në Slloveni në orët e vona të natës, përkundër ndalesës. 

Kjo ka dëshpëruar si italianin De Biasi ashtu edhe krerët e FSHF-së dhe pritet që me renovimin e kontratës së De Biasit, këtyre t’u ipet lamtumira nga kombëtarja kuqezi. Pesë futbollistë standard, që kanë luajtur numrin më të madh të ndeshjeve në këto kualifikimeve janë parë në rrugët e Ljubljanës vonë. 

Dënimet pritet të jenë të ashpra, deri te mosftesa në kombëtare, thotë Panorama sipas burimeve të saja brenda FSHF-së.