Komplikohet transferimi i Mbappe në Madrid

Transferimi i mundshëm i sulmuesit francez, Kylian Mbappe, në Real Madrid, mund të komplikohet nëse trajneri Zinedine Zidane largohet nga Reali.

Sulmuesi i Paris Saint-Germainit akoma nuk ka rënë dakord për rinovim kontrate dhe pritet që më në fund Reali t’i bëjë ofertë zyrtare.

Projekti i Real Madridit për të nënshkruar me Mbappenë është aktiv që një kohë të gjatë, dhe Zidane ka luajtur një rol mjaft të rëndësishëm.

Mentaliteti fitues i tij është përdorur si ‘karem’ për ta bindur Mbappenë që të transferohet tek galaktikët.

Megjithatë, gjërat do të komplikoheshin nëse Zidane vendos të largohet nga Reali. Zërat në Spanjë thonë se francezi do të dorëhiqet pas ndeshjes së fundit, dhe derisa Zidane nuk i ka përgënjeshtruar këto zëra, spekulimet vazhdojnë.