Kontrata i zgjatet deri në finale të Kupës

Skuadra e Athletic Bilbaos do t’ia zgjat kontratën sulmuesit veteran të saj derisa të vendoset për datën e finales së Copa del Reyit.

Aritz Aduriz 39 vjeç kishte planifikuar të pensionohej në fund të stinorit 2019/20.

E tash, pasi që data e finales së Kupës do të shtyhet për shkak të pandemisë, e Adurizit i përfundon kontrata në qershor, klubi bask ka vendosur që atij t’i vazhdohet kontrata deri sa të luhet finalja.

Finalja e Copa del Rey ishte dashur të luhej më 18 prill. Athletic Bilbao në finale do të ndeshet me Real Sociedadin. Athletic Bilbao ka fituar 23 Copa del Rey në histori të saj, por asnjë pas vitit 1984.