DARDANËT
Kosova akomodohet në Shkodër
4 October, 2016 @21:24
Përfaqësuesja e Kosovës sot është akomoduar në një hotel në Shkodër, qytet ky në të cilin do ta zhvillojë ndeshjen kundër Kroacisë në kuadër të kualifikimeve për Kampionatin Botëror, Rusia 2018.
Kosova nesër do të zhvillojë seancën e radhës stërvitore dhe më pas do të organizojë edhe konferencë për shtyp, ku do të tregohen zhvillimet më të reja në përfaqësuese.
Kjo do të jetë seanca e fundit stërvitore e Kosovës para ndeshjes me Kroacinë dhe do të fillojë nga ora 17:00.
Ndeshja Kosovë-Kroaci do të luhet më 6 tetor në ora 19:30 në stadiumin Loro Boriçi.
