Kosova bie në FIFA renditjen e tetorit

Pas dy humbjeve të regjistruara në ndeshjet kualifikuese për Botërorin e Katarit gjatë këtij muaji, Kosova ka parë veten sot për katër pozita më poshtë sesa që ka qenë në shtator.

Humbja nga Suedia 3-0 dhe nga Gjeorgjia 1-2, ka bërë që Kosova të bie në pozitën e 113 të renditjes mujore të FIFA-së për muajin tetor.

Kosova tash do të duhet të llogarit mirë për të fituar së paku një pikë në Athinë ndaj Greqisë në nëntor, ashtu që të mos ketë rënie edhe më të madhe me një humbje potenciale në renditjen e muajit nëntor, që do të mund të ndikojë negativisht në shortin e dhjetorit për garat e ardhshme kualifikuese.