STAR OF THE GAMEWEEK X
Valmir Veliu (KF Llapi), Ylli i javës (10)
21 October, 2021 @11:57
Futbollisti i Llapit dhe i Kosovës U21, Valmir Veliu, ka marrë çmimin e lojtarit më të mirë të xhiros dhjetë në Superligë, pas performancës së tij të treguar në fitoren e thellë të ekipit ndaj Ulpianës 0-6.
Veliu ka qenë i pandalshëm në këtë ndeshje, që kaloi shumë lehtë për llapjanët, ndërsa shënoi dy gola për ekipin e tij dhe asistoi një herë te bashkëlojtari për gol.
Kështu, Veliu bëhet lojtari i parë i Llapit që merr këtë çmim prej se kjo ipet në Superligë, ndërsa deri sot, ende asnjë futbollist nuk ka arritur ta marrë dy herë çmimin e më të mirit në Superligë, pas dhjetë xhirove.
