United bën përmbysje fantastike ndaj Atalantës

Dy gola të pranuara në pjesë të parë dhe thirrjet për Paul Pogbanë në lojë, ndërsa kritikat për Ole Gunnar Solskjaerin dhe planet për trajnerin e radhës veçse po dilnin online!

Mario Pasalic dhe Melih Demiral i kishin dhënë epërsinë Atalantës në Old Trafford dhe mbyllnin pjesën e parë me epërsi dy-golëshe. United, me raste, por pa konkretizim.

Në pjesë të dytë Djajtë e kuq shpërhtyen, ndërsa Marcus Rashford uli, Harry Maguire barazoi dhe krejt në fund, superylli Cristiano Ronaldo me kërcimin e tij maestral shënoi golin e 140 personal me kokë në karrierë, për fitoren e madhe 3-2 [Rashford 53, Maguire 75, Cristiano 81 - Pasalic 15, Demiral 28].

Fitorja e çon Unitedin në krye të Grupit F të Ligës së Kampionëve, me dy pikë më shumë sesa Atalanta ndjekëse e parë, sa ka edhe Villarreali në të tretin. Young Boys mbetet i fundit me fitoren e vetme të shënuar në grup, pikërisht ndaj Unitedit!