AGJENDA E KOSOVËS U21
Kosova U21 do të stërvitet në stadiumin e Flamurtarit
6 November, 2017 @12:28
Përfaqësuesja e Kosovës U21 do të mbajë stërvitjet sot dhe nesër në stadiumin e Flamurtarit, Xhemajl Ibishi, para ndeshjes kualifikuese ndaj Izraelit U21.
FFK ka bërë të ditur agjendën e ekipit, ndërsa të mërkurën, një ditë para ndeshjes, ajo do të mbahet në Adem Jashari të Mitrovicës, ku edhe të nesërmën zhvillohet ndeshja.
Të premten më 10 nëntor si dhe të shtunën, vazhdojnë stërvitjet në Xhemajl Ibishi, ndërsa të dielën në mëngjes, më 12 nëntor Kosova U21 me aeroplan do të niset drejt Bakus, në Azerbejxhan, për duelin e radhës kualifikues.
