MIQESORET
Kosova zyrtarizon 2 miqësore në qershor
23 April, 2021 @11:59
Federata e Futbollit të Kosovës ka zyrtarizuar dy miqësore për kombëtaren përgjatë muajit qershor.
Përveç San Marinos, që orë më parë u zyrtarizua nga Federata e atij vendi, FFK ka bërë të ditur në njoftim se tashmë Dardanët kanë aranzhuar edhe një miqësore tjetër për qershor dhe atë 3 ditë më vonë.
Kosova pas miqësores së 1 qershorit ndaj San Marinos në Fadil Vokrri, më 4 qershor do të luajë ndaj Kazakistanit, gjithashtu në Prishtinë.
Të dyja ndeshjet, edhe ajo e 1 qershorit edhe ajo e 4 qershorit do të luhen prej orës 16:00 ka bërë të ditur FFK-ja në njoftim.
