FERONIKELI - ARBËRIA
Kreshnik Bahtiri bëhet hero, ngjallen shpresat për Arbërinë
27 April, 2021 @16:46
Skuadra e Arbërisë ka shënuar fitore të madhe në udhëtimin e saj të vështirë në Drenas, duke e mposhtur skuadrën e fortë të Feronikelit.
Ekipi i trajnerit Arbnor Morina e mposhti Niklin me rezultat minimal, 0-1.
Goli i fitores erdhi nga Kreshnik Bahtiri, i cili u shndërrua edhe në hero të ndeshjes pasi i siguroi tre pikë të arta skuadrës së tij.
Bahtiri shënoi në minutën 89’ me kokë, ndërsa asistimi erdhi nga Llugiqi, i cili krosoi nga krahu i djathtë.
Me këtë fitore Arbëria i mbanë gjallë shpresat për mbijetesë, megjithëse vazhdon të mbetet në zonën e rënies, por tani me vetëm një pikë më pak se Drenica që ka një ndeshje më pak.
