GOLDEN STATE WARRIORS
Foto: nba.com
Kthehet Iguodala
7 June, 2018 @0:18
Në ora 3 të mëngjesit të sotëm zhvillohet ndeshja e tretë e serisë finale të PlayOffit në NBA, ndërsa lajmi i mirë vjen për ekipin e Golden State Warriors.
Ekipi që është kampion aktual i NBA-së dhe është në epërsi 2-0 në serinë finale ndaj Cleveland Cavaliers, sonte pret rikthimin e Andre Iguodalas në parket, pas lëndimit.
“Ai është duke shkuar në drejtimin e duhur. Ka gjasa të luajë në përballjen e tretë finale,” ka thënë trajneri i Warriorsave, Steve Kerr, i cili ka bërë të ditur se pas shërimit, do ta fus në parket Iguodalan në përballjen e tretë të finales.
Cleveland Cavaliers është vendas sonte dhe në ndeshjen e radhës, ndërsa Golden State Warriors nëse i fiton këto dy ndeshje do të shpallet kampion për stinorin 2018/19 në NBA.
