Kukësi kalon në raundin tjetër

Edhe pse malazezët kishin avantazh të lehtë pas barazimit 1-1 në ndeshjen e parë në Shqipëri, skuadra e Kukësit nuk u dorëzua në ndeshjen kthyese në Mal të Zi dhe me golin e Sidrit Gurit në minutën e 79’, arriti ta fitojë takimin dhe të kualifikohet për në raundin tjetër eliminator që dërgon në Europa League.

Goli i fitores erdhi në 15 minutat e fundit të takimit, përkundër faktit që veriorët 25 minutat e fundit të takimit i luajtën me një lojtar më pak pas përjashtimit të mesfushorit Bedri Greca në minutën e 65’.

Pas fitores, i lumtur për suksesin u shpreh i gjithë stafi kuksian, ndërsa në raundin tjetër skuadra e Kukësit do të takohet me Austria Viennën.