United fillon negociatat për francezin

Edhe pse lojtari ndodhet me Kombëtaren Franceze në EURO2016, spekulimet për të ardhmen e tij nuk kanë të ndalur.

Bëhet fjalë për francezin Paul Pogba, i cili sipas mediave angleze dhe botërore mund të bëjë një rikthim të bujshëm tek Manchester United, skuadër në të cilën bënte pjesë para se të transferohej tek Juventusi.

Sky Sports, Sky Italia e Gianluca Di Marzio, të njohura si mediat më të besueshme të merkatos, raportojnë që negociatat mes klubit anglez dhe lojtarit kanë filluar, ndërsa nëse arrihet ndonjë marrëveshja, shuma e transferimit do të jetë rekorde në botën e futbollit. Shuma supozohet të jetë mbi 100 milionë funte, ndërsa rroga e francezit mund të arrijë shifrën e 300 mijë funtave në javë. Përveç lojtarit, United ka filluar bisedimet edhe me klubin e Juventusit.

Diçka konkrete nuk ka ndodhur ende, mirëpo negociatat kanë filluar. Se çfarë do të ndodhë, mbetet të shihet.