Franca agresive, nuk jemi favoritë

Në prag të ndeshjes gjysmëfinale ndaj Francës, trajneri i kampionit aktual të Botës para mediave u shpreh:

“Franca është një skuadër që ka shumë mundësi zgjedhjeje në sulm. Ata krijojnë shumë presion, sidomos në mesfushë me Pogbanë e Matuidin. Sulmi i tyre ka qenë arma e tyre më e fortë këtë kampionat dhe ata janë treguar vazhdimisht skuadër agresive. Janë skuadra vendase dhe duhet të jemi të kujdesshëm.”

Sa i përket formacionit startues, Joachim Löw u shpreh:

“Schweinsteiger ka stërvitur plotësisht me skuadrën dhe do të jetë në formacionin startues. Përvoja e tij është tejet e nevojshme në ndeshje të tilla. Ai është një lojtar i rëndësishem për ne dhe kur është i gatshëm, ai gjithmonë luan rol masiv.

Duhet t’i mbulojmë mungesat e Hummelsit, Gomezit e Khediras, prandaj duhet të luajmë si skuadër e bashkuar. Nuk jemi favoritë sepse do të luajmë ndaj gjithë vendit, ndaj gjithë Francës. Të jesh favorit në ndeshje të tilla nuk vlen asgjë. Vlen vetëm ajo që shfaqet në fushë.”