ARLIND AJETI
Ajeti në Torino, pritet zyrtarizimi
7 July, 2016 @1:41
Arlind Ajeti ka gjetur skuadrën e tij të re. Ai pritet t’i bashkohet skuadrës së Torinos, raporton Sky Sport, përkatësisht korrespondenti i këtij mediumi, Gianluca Di Marzio.
Qendërmbrojtësi shqiptar që shkëlqeu në EURO 2016, ka qenë i kërkuar nga shumë skuadra pas paraqitjeve të mira.
Ai tashmë është nisur drejt Torinos, ku do t’i kalojë testet mjekësore, derisa zyrtarizimi i transferit pritet të realizohet sot ose nesër.
Ajeti me transferimin e tij në Torino synon të mbetet në Serie A, pasi skuadra për të cilën luajti së fundi, Frosinone, ka rënë në Serie B.
Fatta #Ajeti al @TorinoFC_1906 @SkySport
— Gianluca Di Marzio (@DiMarzio) July 6, 2016
